رئيسية الموقع لوحة تحكم العضو التسجيل

التميز خلال 24 ساعة
 العضو الأكثر نشاطاً هذا اليوم   الموضوع النشط هذا اليوم   المشرف المميزلهذا اليوم    المشرفة المميزه 

قصيدة - بسم الله الرحمن الرحيم
بقلم : الباحث الطائي



العودة   شبكة العرفان الثقافية > الواحة الأدبية > شظايا أدبية

شظايا أدبية مماراقَ لي قراءته من ( شعر .. نثر .. خواطر ,قصة ، رواية ، مقال ( المنقول فقط



إضافة رد
   
أدوات الموضوع انواع عرض الموضوع
قديم 06-12-2010, 06:22 رقم المشاركة : 1
معلومات العضو

الصورة الرمزية لوعه الزهراء
إحصائية العضو








لوعه الزهراء is on a distinguished road

لوعه الزهراء غير متواجد حالياً

 


اوسمتي
المنتدى : شظايا أدبية
قصائد عزائية ولطميات منوعة في حق أهل البيت(ع)

لطميه للجواد
جواد الائمه يعالج منهو يمه

غريب وماله احباب من السم كلبه لهاب

يعالج منهويمه جوادالائمه
********
غريب وعن وطن جده مبعديه
وظل وحده يعالج يشمر ايديه
يويلى منهو اللى يمد رجليه
وينكطله اميه ويعطف اعليه
الجواد يعالج اليوم كلبه ينزف ادموم
والغربه تالمه يعالج منهو يمه
* * * *
ام الفضل معروفه بغدرها
شجاوب الزهره من تسلها
عجب سميتى ابن سيد بشرها
وما خفتى القيامه ولاحشرها
شبابه ما رحمتيه سميتيه وعفتيه
مكلتى الزهره امه يعالج منهو يمه
* * *
مفجوع النبى لمصابه هليوم
والزهره حزنها يظل للدوم
كظوا اولادها مقتول مسموم
بس المهدى ظل عايش بل هموم
على حسين وغربيه ماتنشف دمعته
عطشان يتغمه غريب منهو يمه
* * *
اجينه للرضه بابنه نعزيه
بعزيزه الجواد ويصعب اعليه
بسطح الدار ما واحد دره بيه
ثلث تيام عدوانه امخليه
ظل ايدير بالعين يذكر جده الحسين
يغسله فيض دمه يعالج منهو يمه
* * * *
بارض طوس الرضه مدفون ياناس
الجواد امبعدينه بنى العباس
يحكلها الزهره تعصب الراس
ابغداد اندفن صاحب النوماس
غريب وماله احباب من السم كلبه لهاب
يعالج منهو يمه جواد الائمه

تمت بعون الله



*****

لطميه الامام الحسين

حسيناًواه حسيناً قتيلاًواه قتيلاً
سليباًواه سليباً
غريباً واه غريباً
* * *
يحسين اجيت كربله من ارض طيبه بهاليوم
وبعينى اشوف العايله يم جثتك يبنى اتحوم
اهفانه اجيت اشوقتك اتلكانى يوليدى وكوم
ارد انشدك عن هالوضع وشعملت اوياك الكوم
شجاوبنى يالفاجعنى خضبت راسى بدماك
انادى ياحبيبى
اماتسمع نجيبى
انادى واه سليبا غريباًواه غريباً
* * *
يمه اجيت لكربله ما جيت اطلب حكى
ولا اكول ربيت اشكثر يشهد عليه ربى
ياماتعبت ياما سهرت ما جيت ادور تعبنى
لمن جيتك جثه الكيتك من ناديتك ما رديت
حسيناًقد نانى
ولايذكر حنانى
سابكيك سليبا غريباًواه غريباً
* * *
ياناس ادور علصبر منهو اللذى يدلينى
منهو ليحن لونتى وين اللذى يعزينى
لياسبب ابنى منذبح ظامى اشوفه بعينى
لك حسنت ظلوعى
تعال انظر دموعى
انادى واه سليبا غريباً واه غريباً
* * *
بوادى الاحزان تغربت بس المصايب تنعى
وسود الليالى توشحت والحزن صاير طبعى
ظلوعى يمه ات**رت من يوم **روا ظلعى
واليوم يبنى شجم الم هاك اخذ يبنى دمعى
شاعظم صبرك حزوا نحرك رضو صدرك ماراعوك
حسيناً واه شهيداً
حسيناًواه وحيدا
ارئ الخدُ تربياً غريباً واه غريباً
* * *
يبنى الميت يندفن بس جسمك عله الغبره
واليوم ثالث والرمل كافوره صار وسدره
جدك ييمه منفجع واعليك محنى ظهره
مصابك ابد ما ينسى للحشر يبقه ذكره
محد يمك يحمل همك ويلم جسمك ويواريه
الرزايا انهكتنى
باولادى رمتنى
حسيناًواه سليبا غريباًواه غريباً
تمت بعون الله


*****



لطميه الامام الجوادعليه السلام
بارض غربه شنو ذنبه يون وونته صعبه
***
الجواد شكد صعب وضعه شنو ذنبه ويسمونه
شباب بديره الغربه وحيد وتهمل اعيونه
ايتذكر اهله واحبابه الاهل وين ويحضرونه
لون يمه تجى اهله أقلن ماى يشربونه
يحضرونه يداوونه مريض وظهدته الغربه
* * *
شجاوب ام الفضل باجر لون تسالها الزهره
مخفتى الله تسمينه شباب باوله عمره
تغدرينه وتعوفينه غريب وحسرته بصدره
عزيزك يالرضاسموه يريتك سيدى تحضره
تجى عنده تحب خده لحضورك عينه تتربه
* * *
يبويه كلمن يعالج يجون اهله ويحضرونه
الجود لياسبب وحده بسطح الدار يخلونه
اجيته من ارض غربه اغمض بيدى اعيونه
الدهر يا بويه حاتفنه السلم منه يسومنه
ابوالمسموم اون للدوم الجواد شخلوا بكلبه
* * *
يبويه يا بعد روحى لون يمى يدفنونك
يبويه عفتك صغير وعليه ترنى اعيونك
انه بديره غرب بويه يبويه انوب يغربونك
لون بيدى اجى يمك وانوح ويه الينوحونك
يعذبنى شباب ابنى كصدته لديره الغربه
* * *
الجواد بيا ذن سموه ولارحموه اعاديها
يعلمون النبى جده بعترته اشكد يوصيها
ثلث تيام بقت جثته ولا واحد دره بيها
اهل ماله وتجى عنده وتفكده لو بطه اعليها
اشذنت عنده مثل جده ذاب من العطش كلبه
* * *
مثل جده البقه مطروح ولاواحد تدناله
على صدره تدوس الخيل ومشت مسبيه اعياله
على راس الرمح راسه تون زينب علحاله
يبارينى ابواليمه سبيه لاجن ابراله
تره كلهم اعزنهم انه الزهره المتعذبه
تمت بعون الله


*****


مربعه فى رثا الزهراء عليها السلام
بعد عين النبى ظلام روعوها
سكطو محسن وبالباب عصروه
* * *
واه ويلاه عليها ظلت اتنادى
اشلون اتروح منى بويه يالهادى
تيتمنى يبويه اتيتم اولادى
يبويه اخلاف عينك بابى حركوها
* * *
على سود اليالى من عكب عينك
يبويه اعتنى لكبرك اشكيلك
حرمونى من ارثى بويه شحجيلك
ومن اسياطهم امتونى سودوها
* * *
تعد الرجس بويه وطب عليه الدار
وتنادى حطب جيبولى ويه النار
لمن نبت بويه بصدرى البسمار
احركها ولو بنت النبى بيها
* * *
ناديتج يفضه ما تسمعنى
محسن طاح يافضه دسندينى
من العبته دشلى فضه اجنينى
ريه النبى امن الزهره يدروها
* * *
يبويه اللى تعده اعليه ماكصر
هو اللى منع حقى وحق حيدر
هوه وصاحبه بويه نولى الشر
ووصيه النبى امر يحرفوها
تمت بعون الله

*****



فزاعيه للرسول (ص)
لمن كربت امنيته ايوصيهم بهل بيته
* * *
يوصيهم عله الزهره ويجر اعليها الحسره
ويدرى بعده شيجره ويدرى تنهمل من بعده اوصيته
* * *
يعايتهم بدمع العين وتنادى حسن وحسين
دنيهم يبوالحسنين ويدرى تنكر من بعده اوصيته
* * *
يدير العين عالزهره اه ياضلعج و**ره
مصابج منهو اليجبره يجر بحسرته ويبجى اعله اهل بيته
* * *
يابويه شنو ظلتى يريت اوياك انه حدى
اسمع يالنبى ونتى يبويه خلاف عينك عمرى مليته
* * *
يبويه يابعد عينى فراكك بويه ياذينى
لتروح وتخلينى عله امصابك يبويه دمعى هليته
تمت بعون الله

*****


قصيده للزهراء عليها السلام
الزهره يمه دمعتى يهمه
وين كبرج واعتنيله من اليتم يمه اشتكيله
زهره يمه دمعتى يهمه
* * *
يمه من غمضتي عينج ما سكت من النحيب
اذكر اظلوعج حنوها والسبب يمه غريب
اذكر السطره اعله عينج يسعر بكلبى اللهيب
ومحسن تكنطر ييمه عله الثره وجسمه تريب
مارعوها بعد ابوها
بالحزن كضيت عمرها بعده اصحابه ولتها
زهره يمه دمعنى يهمه
* * *
فاطمه يمه انشدج دمعتج ظلت تسيل
حال ابونه اللى مظهدج الرزايا اوياه تميل
كيدوه يمه اكبالج بياوكت حيدر ذليل
لوعله اطفاج ييمه ذات كلبج والدليل
زاد همج منهو يمج
صورتج يمه بخيالى استفردوج بغير والى
زهره يمه دمعتى يهمه
* * *
زهره يايمه كعدنه والابواو يانه ينوح
علجنازه اتكابلينه نصرخ وما عدنه روح
هذا اليشم بجبينج وهذا اليضمد الجروح
ينادى الحسين بحراره وياج يا يمه نروح
منهو عدنه انظل وحدنه
اصغار يايمه شبدينه حيدر ايصبر علينه
زهره يمه دمعتى يهمه
* * *
يمه يا زهزه بخيالى بظلمه نعشج شيعوه
حته كبرج ما عرفته ليا سبب يمه خفوه
والكبر وين واكصده بليل مظلم ضيعوه
اشلون اطفى ناركلبى وبمصامبج روعوه
البيت خالى وشبقالى
امى راحت من اديه مصابها يصعب عليه
زهره يمه دمعتى يهمه
* * *
يمه يازهره صبريه والصبر كله عذاب
يمه دهمتنه المصايب كلسا وانصاب بمصاب
يمه دوهنى زمانى والفرح يا يمه غاب
شفت اخويه ونور عينى كلبه بالسم يمه ذات
ان**رنه وانهظمنه
وبالهظم كضيته عمرى والدمع دم يجرى
زهره يمه دمعتى يهمه
* * *
زهره يا يمه وصيتج نفذ تها اوما نسيت
شفت اخويه حسين وحده هلت ادموعى وبيجت
بصدر حبيته ييمه بنحره شميته ومشيت
لخيمتى رديت وحدى توسلت بالله ودعيت
لون مارد كلبى يبرد
علثره جثته سليبه وبالدمه يمه خضيبه
زهره يمه دمعتى يهمه
تمت بعون الله

*****


لطميه الامام الرضا عيله السلام
يامغيث الشيعه من نار لضه يالرضه اه يالرضه
حبك البارى علينه فارضه يالرضه اه يالرضه
* * *
من اذكرك مولاى دمعاتى تسيل
واذكرامصابك يظل كلبى عليل
سيدى بغربه رموك بلا دليل
وكطعو كلبك بسم ماله مثيل
النبى اخبرنه وابفصح لسان بضعه منى تدفن فى خراسان
اليزوره النار ما تتعرضه
يالرضه اه يالرضه
* * *
سيدى نور االله انته وحكمته
معدن التأويل انته وعيبته
بيك مولانه تجلت قدرته
هالامر عدوانكم ما حملته
بحقك اخبرنه الوصى خير العمل كلمن ايزوره اذنوبه تغسل
وبشفاعتكم متمسه لضه
يالرضه اه يالرضه
* * *
سيدى اذنوبه الحبك تنغفر
حتى لو جانت مثل كت المطر
طاعتك مفروضه عالجن والبشر
سيدى الباقر اخبرنه بهالخبر
كامن ايزورك احواله تنشرح يصيرويه الهاجر وكبل الفتح
ينقل انفاقه والله ايعوضه
يالرضه اه يالرضه
* * *
سمك المؤمون عن دارك غريب
ويظهر امحبتك وهذا من العجيب
طوس يثوى بيها من عدنه حبيب
هالامر صادق العتره وضحه سبع احاديث الزياره تشرحه
مايضيع اجره واحنه نحفظه
يالرضه اه يالرضه

*****


موشح الامام الرضا عليه السلام
ظامى الجنه اليزوره ما يخيب
والغريب ايحن على حال الغريب
* * *
للرضه اتعنه يحل المشكله
واندبه وناديه ابدمعه هامله
سيدى جينه بدمعه سايله
واليزورك سيدى ماظن يخيب
* * *
سيدى تشكيلك الام الكلب
وانته تعرف يالرضه حال المحب
سيدى انخيك من ديره غرب
واللى يدعى بحضرتك ماظن يخيب
* * *
سيدى دمعه اعيونى هامله
على افراك حسين ابن عقد الوله
تمت بعون الله

*****



لطميه للسجاد عليه السلام
السجاد دمعه ايهله يتذكر امصاب اهله
يذكر عمته تكبر غصته
السجاد دمعه ايهله
* * *
السجاد عاش بمحنته كربله ما ينساها
ماينسه ذبحه كل هله اجساد الترب غطاها
يذكر احسين ويمنته الجممال من كطعاها
يذكر نبله حرمله بنحر الطفل خلاها
يذكر هظمه والامه
انذبحو كلهم جدامه
ممغسليهم ممجفنيهم
السجاددمعه ايهله
* * *
الله ياعمله كربله جرحت كلب السجاد
دمعاته ظلت هامله طول العمر لا ما هاد
اكباله عماته اتيسرت بيد ال اميه الاوغاد
ربطوه ويه اعياله بحبل من الكوفه للشام انكاد
يسمع صرخه اطفاله
من هجمت الخياله
شى داسوها شى ذبحوها
السجاد دمعه ايهله
* * *
من حده الحادى بعيلته وبالمعركه مروهن
شافن اجساد اموذره جا ليش ما رحموهن
ناحن وصاحن ياعلى جاليش ما دفنوهن
مدرى يصبر عمته روس الاهل شالوهن
مابيدى عمه جاره
بس دمعتى تجاره
وانه امكيد بقيد امحدد
السجاد دمعه ايهله
* * *
يجاوب ابوحمزه بحزن سعيك يعمى مشكور
ويكله اعظم نايبه زينب بالبلاد ادور
هالناكه عمتى امجتفه هم اسمعت هم مذكور
هم اسمعت حره انسيت احاه ياعمله عاشور
عمتى طبت للكوفه
بلايه اقناع ومكشوفه
ويضربوها ويشتموها
السجاددمعه ايهله
* * *
عمره انكظه بضيم وهظم دمعه اويه الماى ايشربه
ابيضت اعيونه من الحزن ساجد ويذكر ربه
ما شاف راحه بهالعمر مصيبه احسن اتعذبه
اينادى الغريب بكربله ذبحوه وشنهو ذنبه
لمن سموه الظلام
صبو حقد عالاسلام
يافاجعته الهاظمته
السجاد دمعه ايهله
تمت بعون الله

*****


لطميه للسجاد عليه السلام
من جتفونى من جتفونى ماعندى انصارويحمونى
* * *
انه السجاد اليسرونى وبيوم العاشر فجعونى
شفت احسين اكبال اعيونى ماى اسكونى ينادى اسكونى
* * *
بيوم العاشر يوم احزانى يوم الى حركو صيوانى
يوم العاشر يوم اشجانى ذبحوا اهلى وما رحمونى
* * *
يوم الطف ماانسه امصابى ناموعلتربان احبايى
مصيوب ومايشفه امصابى ظلوعلغبره وعافونى
* * *
عماتى فرت وتنادى ياخويه وياروح الهادى
وبحالتنه خويه اشسادى يسروهن جدام اعيونى
* * *
عشت الام وعشت بمحنه عالهزل ودونه ورحنه
للشام وباكوفه اشفنه بالسوط اعداى ايضربونى
* * *
جابوراس احسين اكبالى من شفته اتغيرت احوالى
هالمنظر ظل يتراوالى ماعندى انصارويحمونى
تمت بعون الله

*****



لطيمه للاربعين
يهالى كربله جينه نناشد عن اهالينه
من يوم اللى عفناهم
واحنه الهظم عالينه
ـــــــــــــ
يهالى كربله جينه ندوركبرابواليمه
عفناه عله الثره مرمى وطفله منذبح يمه
كمرنه اعله الشريعه طاح جسمه منهو اللمه
يهالى كربله بهاليوم
اجينه لشوفة المظلوم
رحنه بوليةالعدوان وعلتربان اهالينه
ـــــــــــــ
يهالى كربله احجولى خلينه اهلنه اجسوم
مشوبيه لراضى الشام ندرى بهالامرمقسوم
ترافكنه ادموع العين صعبه فركه المظلوم
لحكناهم عله الخوه
عافونه بارض شلوه
عافونه معفاناهم لشوفتهم تعنينه
ــــــــــــ
اريد اعتب عله العباس اريد انشد سهم عيبه
كالولى اندفن وياه واحنه خلافه ذلينه
دلونه اعله كبره وين دفنتو اوياه جفينه
يهالى كربله احجولى
علن ولياى كولولى
من الشام بالعليه متعنين ردينه
ـــــــــــــ
يهالى كربله جسام والاكبر دفنتوهم
ظلوعله الثره ياناس هلشبان شفتوهم
زفتهم نبل واسهام ومن دمهم يحنوهم
يهالى كربله جسام
زفته نبل وسهام
بثيات العرس بعده نريد انحنى والينه
ـــــــــــــــــــ
يهالى كربله اخبركم عبدالله طفل محروم
ظل بحسرته ظامى عطشان وسكوه ادموم
بايدين البسط ذبحوه وبالنبله صبح مفطوم
جسمه بالدمه اتعفر
صغير والعمر كصر
امه جايه ترضعه اظن بطل من اونينه
تمت بعون الله

*****


موشح تابع للقصيده
كربله جيت انشدج حاجينى
وين دفنوهم هلى خبرينى
ــــــــــــــــــــ
كربله خبرينى عن دفن الوالى
هم حصله جفن كولى وخبرى
من رحت ظلو على الغبره هلى
رحت والدمعه تلوج بعينى
ــــــــــــــــــــــ
كربله ارد انشدج عن الكمر
عن ابوفاضل دفصليلى الخبر
سهم البعينه اله بكلبى اثر
نابت بعينه بقه كليلى
ـــــــــــــــــــــــــ
كربله جسام غطو حوفته
بدمه وبدمعاتى طفوشمعه
وين تاليها اندفنت جثته
وين كبره كربله دلينى
ـــــــــــــــــــــــــ
الاكبرتوذر بكاعج كربله
لمن شافه احسين دمعه هل اله
شلون حالى وحال امه اثاكله
كربله يم حفرته ودينى
ـــــــــــــــ
كربله خبرينى عبدالله الطفل
بين ادين احسينمن صابه النبل
فرفحت روحه ودمعاته تهل
اه ينبله حرمله التاذينى
ــــــــــــــــــــــــــــــ
كربله اجسوم الاصحاب اعله الترب
ضحواويه احسين بديارالغرب
بالدمه غسلتهم سيوف الحرب
وين دفنوهم هلى خبرينى
تمت

*****


لطميه لزينب عليهاالسلام محنه الشام
ططول الدهر متالمه زينب عزيزه فاطمه
من زغرها يادهرها
طول الدهر متالمه
ـــــــــــــــــ
ام الخدر تالى بهظم جور الدهر خلاها
من الكوفه للشام بدمع تشكفت اسياط اعداها
ومن يوم ماغاب الاخو جورالزمن راواها
حرمه وغريبه وفاكده اعزازها اولياها
وتنخى حيدرياعلى
يابويه ماعندى ولى
سلبوها واسروها
ـــــــــــــــــــــ
طبت الشام بيا وضع من بعد ضيم الكوفه
تبجى وتون ماتنسمع بعد الخدرمكشوفه
زينب بحيره ياعلى بالعايله مكلوفه
فوك الرمح راس الولى كلسا تصد واتشوفه
واجب تبارى العايله
زينب عزيزه حيدره
مارعوها اللىسبوها
وطول الدهر متالمه
ــــــــــــــــــــــــــــ
وبمجلس ايزيد بت على والظاعى ينشدعنها
كالوله زينب بت على متشمت ويسألها
يكللها شوفى الله شصنع بحسينج والمها
وراسه على راس الرمح وجثته محد دفنها
وانتى اجيتى ميسره
تستاهلون اللى جره
يادهرها اشكد صبرها
ــــــــــــــــــــــ
بجرايب الشام بهظم ايامهاكضتها
ولن يوم اجتها من القصر هند بحزن تسألها
من يامدينه ويابلد وعن زينب اتناشدها
تكللها زينب ياهند راح اللذى كافلها
مولاتى زينب بت على
مسبيه وبلايه ولى
وبدمعها وبالمها
ـــــــــــــــــــ
بالشام الله شسدت من مصايب اعله الحره
طفله من ايتام السبط تبجى اعله ابوها بعبره
واتكلها ياعمه شفت والدى ضمنى لصدره
وصاحن فردصيحه الحرم والكلب خلص صبره
وجابولها راس الولى
تكله يبويه منهو الى
يتمتنى ضيعتنى
ـــــــــــــــــــــــ
تكله يخويه بعينى ايتامك لباريها
لاجن يخويه شبيدى تشوف اللى يجرى اعليها
ماتت الطفله باليسر شافت راس واليها
حتى التغسلها بعجب تنشدنى شنهو البيها
امن اسياط اهل الكوفه
مزرك بدنها اتشوفه
غسلها ودفنها
وطول الدهر متالمه
تمت

*****


لطميه للعباس عليه السلام
زينب تنادى العباس انهض يراعى النوماس
لو يسرونى واتولونى
زينب تنادى العباس
ــــــــــــ
زينب تكله ياشهم ترضه اروح اويه اعداى
ترضه يخويه انهظم وانته الكلت كومى اوياى
عباس ياراعى العلم انته الكلتلى بحماى
حامى يخويه امخيمى وجيبلنه ياخويه الماى
عيالى تصرخ ملهوفه
فزعت علينه الكوفه
متحاجينه يا والينه
زينب تنادى العباس
_________
ساقى العطاشه بكربله واعداه تعرف باسه
من سمع زينب تنتخى هيجت كل احساسه
بجوده تعنه المشروعه وبنفسه جاداواسه
والماى ذبه وما شرب سدكربته بنوماسه
ممتعنى لخيام احسين
ودمعه يهل عالخدين
وكلبه معطب يذكر زينب
زينب تنادى العباس
ـــــــــــــــــــــــ
لمن كصد للمشرعه وضع ابواليمه عاشه
قصده يروى العايله ويدريها كلها اعطاشه
ولن سيف يكطع يمنته وسيفه بيسرته حاشه
سلم على احسين وكع والامل منه اتلاشه
يحسين خويه اعذرنى
دم راسى غرك متنى
ينتظرنى ويحشمنى
زينب تنادى العباس
ــــــــــــــــــــــ
يكلله يخويه ياوحيد للخيمه لتودينى
خايف يشوفنى الحرم ويفجعهن خويه اونينى
يصعب عليه جودى اندفك والسهم صكنى بعينى
يسراى خويه اتكطعت وانبرت خويه ايمينى
مواعد يخويه اسكينه
لونشدت عمى وينه
خويه اخبرها اتعذرمنها
زينب تنادى العباس
ــــــــــــــــــــــــــ
رد ابواليمه من**ر ناده حريمه ولمهن
زينب اجته تناشده متحير شيخبرهن
من الخيمه عامودالوسط طيحه وحن لونهن
يكلهايزينب كافلج جفوفه العده كطتهن
خويه العلم راعيه
جثته ظلت مرميه
روحن يمها واتعنلها
زينب تنادى العباس
ـــــــــــــــــــــــ
زينب مشت للمشرعه واتعنت لكافلها
شافته بحاله مفجعه وجثته العدومكطعها
والجوداوياهاالحرم ابياوضع شافنها
عباس متحاجينى
خويه العدوسابينى
لويسرونى واتولونى
زينب تنادى العباس
تمت

*****


للحسين
ياشهيداًياحسين ياغريباًياحسين
ياحبيب البتول وعزيزالرسول
ــــــــــــــــــــــــــ
يلى عندك عبره رايدها اتجاره
اذكرالطف واندب احسين بحراره
واسجب ادموعك لبواليمه بغزاره
بلجن ادموعك تبردجبده حسين وعياله
سيدى من بعيد صارخاًوياوحيد
ساعدالله البتول وحيدره والرسول
ـــــــــــــــــــــــ
سيدى اذكرمصابك دمعتى غصبن عليه
واذكرامصاب العقيله من طحت فوك الوطيه
ظلت بحيره تنادى ياغريب الغاضريه
خويه كومك هالصفت فوك الوطيه
خويه مالك معين بين امى ياحسين
ياحبيب البتول نادباًفلنقول
ــــــــــــــــــــــ
سيدى هالامه خانت بالنبى وخانت وصفه
بس غمض عينه نبيها**رت ظلوع الزجيه
وبوسط بيت الله طبرواراس حماى الحميه
والحسن بالسم تكطع جبده من جور ال اميه
يالثارات الحسين سيدى صارخين
واليحبك يكول ياحبيب البتول
ــــــــــــ
ومن طحت يابن الزجيه علترب خدك وضعته
تسمع بزينب تنادى يااخو الضيعها لته
لاجن شبيدى يزينب هذا امر الله وحكمته
عالجتل اصصبر ياخويه واليسرانتى قسمته
صارحات ياحسين نادبات ياحسين
وبنات البتول وعزيزالرسول
ــــــــــــــ
سيدى الشيعه بهضمهالشوكت يبن الزجيه
حرمواعليهاترزورك ياغريب الغاضريه
عاليعدوالروح يمك ياشبل حامى الحميه
واليحبك مايساوم وحتى لوشاف المنيه
فسلام للحسين من محب حزين
عن محبتك مانزول يا حبيب البتول
تمت

*****


لطميه الامام الحسن عليه السلام
زينب تون وتنادى خويه ويروح الهادى
علحسن كلى اشسادى
ــــــــــــــــــــــ
يحسين يبن امى اخبرنى بحاله
السم خويه جن مرد دلاله
اعله الحسن خبرونى ابن امى ونورعيونى
اه يشماتة الاعادى
ــــــــــ
يحسين خويه كعده وتجيله
اردانشد ابن امى واريد احجيله
منهو اللى سمه ويتم امداليله
كلبى ياخويه ملوع واعله الاخوه متروع
ابن امى وريع افادى
ـــــــــــــــــــــــــ
خويه يبومحمد يروح الزهره
تتلوه يمى كلبى اشكد صبره
ياريت من عمرى يصير ابعمره
سالم ابن امى ريته يرعه اعياله وبيته
تبجى وخويه اتنادى
ــــــــــــــــــــــــــ
شلى بعمرى لو فكدت الخوان
من زغرسنى رافكتنى الاحزان
اهجس بكلبى خويه شبت نيران
دمعتها غصبن تهمى وتكله زايد همى
بين امى كلبى شغادى
ــــــــــــــــ
السم يخويه بيك كلى شسوه
خويه عله امصابك دليلى اتجوه
سالم يخويه وريت اختك فدوه
متحيره خويه بامرى دمعه اعيونى تجرى
صوبوا كلب الهادى
ــــــــــــــــــــ
خويه اشوفنك تغير لونك
واميه خويه كامو ينكطولك
وغمضت يخويه جنى اشوفك اعيونك
يكلها يزينب غطيه ومدى اديه ورجليه
كامت تون وتنادى
ـــــــــــــــــــــــــ
لمصاب اخوه الحسن دمعة عينه
فكد الاخويصعب والله ايعينه
تعزيه اصحابه وكاعد لتابينه
وزينب عليه مفجوعه تعاين ايتامه بلوعه
من حده بيها الحادى
ــــــــــــ
يكلها يزينب الحسن غسلناه
ومن بعد غسله بحفوته واريناه
كعدنه بعزاه وبالبواجى انعيناه
لاجن يزينب يومى يسلبون حته اهدومى
وراسى ترفعه الاعادى
ـــــــــــــــــــ
راحت ييه من بعد عزتها
ظلت اجساد اعله الترب اخوتها
رادت تظل يمها العده منعتها
زينب تون وتنادى خويه ويروح الهادى
هليوم يحدى الحادى
تمت

*****


لطميه الامام الحسن عليه السلام
يامظلوم يامظلوم يبن الزهرة يامظوم
ـــــــــــ
يبن الزهرة ودعناك شكد ضيم شفت من اعداك
تالى عدوك سماك يصعب فكدك هذااليوم
ــــــــــــــــ
يبن الزهره شيعناك اخه ودنيه وياك
يم جدك منعوك اعداك تندفن منعوك الكوم
ـــــــــــــــ
يالحسن منهو السمك ماكال الزهره امك
وسفه الدهر ايضيمك حته بمماتك مظلوم
ـــــــــــــــــ
يالحسن ياروح الدين لاجلك يهل دمع العين
كبرك امامى لهالحين مامبنى وظل مهدوم
ـــــــــــــــــ
نعزى حيدر بمصابه علحسن زاداصوابه
علحسن تبجى احبابه وحيدرنعيه اليوم
ـــــــــــــ
وللمهدى نصرخ كلنه يامهدى كوم احضرنه
مصاب الحسن المنه خله حزنه للدوم
تمت

*****


تابع الموشح الامام الحسن (ع)
اليوم زينب تهل دمعه عنيها
عله امصاب الحسن الله ايعينها
ــــــــــــــــــــ
امصاب اخوها الحسن مامثله مصاب
اتشمتت عدوانهاوالفرح غاب
وخيم اعليهاحزن فكد الاحباب
تكابلت بالنوح ويه احسينها
ـــــــــــــــــ
تكلخ يبن امى من السم الحسن
من هدم حيلى ولبسنى المحن
ريت روحى فدوه راحت للحسن
غالى الزهره وفتشت عينها
ـــــــــــــــ
ريتنى ميته كبل وليانى
ريت سهم الموت الى اردانى
عله الوالى اتهدمت اركانى
يعينهاالله تبطل اونينها
ـــــــــــــــ
ايعينها الله الفاكده وليانها
من يعزيهاعلى خوانها
على الحسن متغيرات الوانها
اشلون من هجمواعله اصواوينها
ــــــــــــــــــ
شلون من هجموعليهابكربله
وظلت تحشم اهلها امجتله
وانسبت هيه وجميع العايله
شمالها المذبوحه كل ارجالها
تمت

*****


لطميه الامام امير المؤمنين (ع)
فزت ورب الكعبه هالجلمه ويه الضربه
يشكرربه واضح دربه
فزت ورب الكعبه
ـــــــــــــــــــــ
دين الله بحيدر ثبت وبتضحياته اتشيد
وجبريل ناده بالسمه حيدرفتاه الاوحد
بروحه فده سيدالرسل وبسيفه الدين اتأيد
بكل غانمه هو البطل والنصربيه امقيد
لافتى الاعلى هالخبر واضح جلى
اسمه اتردد والكل يشهد
فزت ورب الكعبه
ـــــــــــــــــــــ
من يوم ما غاب النبى والمرتضى امالمينه
ايشوف الرساله اتحرفت ودين الله امغيرينه
اهل النفاق اتحزبت نكروعلى وتعينه
الدنيه اوياهم سالمت وجارت على والينه
يشكولرب السماء من افعال الخلفاء
عاش المحنه اللموت اتمنه
فزت ورب الكعبه
ـــــــــــــــ
ياعلى الدنيه خانتك انتقمت يحيدر منك
وسهامهاياحيدره بفكدالنبى صانبك
بعدالنبى الزهره بحزن راحت وغابت عنك
فرحت الدنيه بنكبتك ثار الها تطلب منك
يادنياغرى غيرى لاتتعرضين لسيرى
قاصدربه والحق حبه
فزت ورب الكعبه
ــــــــــــــــــــــ
ياعلى محديعرفك بس النبى وباريه
ومايعرفه غير النبى وحيدرعلى ثانيه
تحيرت بيك اهل العلم وفازالانته واليه
من فردشجره اويه النبى ومن فردنورانيه
على باب المدينه قال النبى هادينه
خضواراسه جهلوا باسه
فزت ورب الكعبه
ــــــــــــــــــــ
من غبت ياتاج الفجر اضلمت الدنيه بعدك
عترتك جللها الخزن واستفردوهاعكبك
واتذبحت واتشردت والدنيه صارت ضدك
شيعتك ياخير العمل خافت اتظهره لودك
فزت ورب الكعبه والجلمه ويه الضربه
يشكر ريه واضح دربه
فزت ورب الكعبه
تمت

*****


فزاعيه الاربعين
ييمه فركتج صعبه مرت اربعين اليوم
ـــــــــــــــ
خلافجما غفت عينى اظن يمه نسيتى
شوجنج جفيتنى ونارج ماطفت لليوم
ـــــــــــــــــــــ
ييمه اعليج انه اعتب وكلبى بغيبتج عطب
شخصج يمه من غرب وما ضاكت اعيونى النوم
ــــــــــــــــــ
ييمه ومن يسد فيتج دعودى يمه لبنيتج
مخربه ومشه ابيتج عله افركتج اون للدوم
ــــــــــــــ
غريبه من بعد عينج دسمعينى اناديلج
يالحبيبه انه اشكيلج تعالىبعازتج هاليوم
ـــــــــــــــ
ييمه هم تعوديلى غيابج ذوب ادليلى
انشدج يمه دحجيلى لواكطع الضنه اليوم
تمت

*****


قصيده للزهراء (ع)
باربعينج يالزجيه دمعتى ظلت جريه
ودعنه ذيج الايام
ــــــــــــــــــ
يمه يازهره دمعتى من بعد عينج اهلها
تيتمينى يمه تالى روحى يايمه شصبرها
ردى يايمه وتعالى
البيت منج يمه خالى
كلبى لفراكج منظام ودعنه ذيج الايام
ــــــــــــــــــــــ
مررت ايام وليالى وانه بس ابجى وانوح
راحت الزهره وبقينه لاصبر عدنه ولاروح
يمه يمه احله جلمه
فراكج لكلبى يالمه
بحبج يمه ماننلام ودعنه ذيج الايام
ــــــــــــــ
يمه يا زهره اخبرج من بعدعينج غريبه
يعز على يمه مصابج مصيبتج يمه عجيبه
ضلعج ات**ر ييمه
وصدرجاللى يجرى دمه
ما راعتج هالظلام ودعنه ذيج الايام
ــــــــــــــــــــ
يمه يازهره شبديه علزمان الى رمانى
نيشن بسهمه عليه وبفكدامى دهانى
فركتج صعبه عليه
غيبتج صارت بطيه
اعله فراكج عينى متنام ودعنه ذيجالايام
ـــــــــ
يمه يازهره اصيحن ما ترديلى جواب
فركتج يمه ثجيله عودى من ها لغياب
عودى وردى علينه
نريد جيتج يالحنينه
بعدج اعيش بالام ودعنه ذيج الايام
ـــــــــــــ
دمعه عيونى اهلها مصيبه الزهره عطيمه
اليبجى لفراك الزجيه بالحشر فاز بغنيمه
تمت

*****


لطميه فى وداع الزهراء(ع)
يمه زينب يومى كرب
بعدى تبقين بهظيمه صغيره يايمه ويتيمه
يمه وينب يومى كرب
ــــــــــــــ
تدنىيحبيبه وتعالى ارد اودعنج واروح
مفاركه الدنيه ترانى كلبى امحمل جروح
يعزعلى زينب اعوفج ولمصابج بس انوح
يمه صبرى على يجرى
هذاامرالله وحكمته واليتم صرتى قسمته
يمه زينب يومى كرب
ــــــــــــــــ
يمه يازينب دلمى اخوانج يمى سريع
خلى اشبع شوف منكم فراككم يمه فجيع
هم بعد يمه نتلاكه الموت يايمه مريع
الملتقه بيوم القيامه المشتكه لله السميع
فاركونه مارعونه
**رو ظلعى ييمه وصدرى ينزف يمه دمه
يمه زينب يومى كرب
ــــــــــــــ
صعبه يازينب عليه امن الصغر تتمحنين
يصعب اعليه الشوفج بلايه ام بلامعين
دمعتج تبقه جريه لكبرى يايمه تجين
كولى يمه وانه اسمعج يجاوبج كلبى الحنين
كلبى يمج همى همج
بارى احسين واخيه وبارى اختج ياوفيه
يمه زينب يومى كرب
ــــــــــــــــــ
يمه يازينب دشوفى ظلوع صدرى م**رات
وعينى يايمه انظريها حمره من ايدالطغات
وحسرتى بصدرى ات**ر ومالى رغبه باحياة
ومحسن اوليدى فكدته ومايرديمه الى فات
استضعفونى مارعونى
دمى وى دمعى يتجاره وانتى تبجين بحراره
يمه زينب يومى كرب
ــــــــــــــ
شبكت اعليها وتشمها والدمع منها الجواب
تدرى باليجرى عليها وشتلاكى من عذاب
مسيره يمه وغريبه والولى فوك التراب
شلون حالج يمه زينب بكربله بلايه حجاب
جثث كلها الدم غسلها
وانتى يازينب وحيده والوطن عنه بعيده
يمه زينب يومى كرب
ـــــــــــــــــ
يمه يازهره تعالى وشوفى حالى بهالمصاب
اخوتى يمه اكبالى امذبحه فوك التراب
وانه يايمه غريبه لوحدى اعانى هالعذاب
دمعه اعبيونى جريه والصبر يايمه غاب
خان دهرى خلص صبرى
بأيدى اتستر ييمه والدمع من عينى يهمه
يمه زينب يومى كرب
ــــــــــــــــ
يمه يا زهره شبديه اهلى نومه اعله التراب
دمعه عيونى جريه واليسر ذل وعذاب
لااهل تنغر عليه اتشرف حالى بهالمصاب
مسيره يمه وغريبه من الالم دلالى ذاب
صحت يمه دمعتى يهمه
من صغرسنى يتيمه تكبعت يمه بهظيمه
كلبى ينحب انه زينب
تمت

*****


لطميه للزهراء(ع)
من عصرونى من عصرونى انده باسمك مارعونى
ـــــــــــ
يابويه لو تدرى بحالى بصبره مكيد بويه الولى
الظالم للبيت اتعنالى يضربنى بسوطه اعله امتونى
ـــــــــــــــــــ
رد لتيه بويه باحقاده ولحيدر يابويه هم كاده
لاخاف الله ولاميعاده مابين لحايط حصرونى
ــــــــــــــــــــــ
اصرخ بويه ومايحشمنى مكصوده بويه ايسكطنى
لمن طيحومحسن منى خلافك يابويه اتولونى
ــــــــــــ
يابويه وبسماربصدرى ت**رظلعى ودم ظل يجرى
اصرخ حيدر حرت بأمرى لارحموه ولارحمونى
ـــــــــــــــ
اصرخ يافضه اتعنيلى تجيلى يمه وسندينى
صدرى انعاب وطاح اجنينى من بعدك بويه اتولونى
ـــــــــــــــ
يابويه خلافك ذلينه بصبره مكيد ظل والينه
لكبرك يابويه اتعنينه انده باسمك ماراعونى
تمت

*****


مربوعه فى وفاة الرسول (ص)
واه ويلى عليها اتصيح عزونى
فكدت اليوم ابويه وكرة اعيونى
ـــــــــــــــــ
يبويه التفكد الوالى يعزوها
ميدخلون للدار ويعصروها
عله افراك الابو بويه يسلوها
على عينى يبويه انوب سطورنى
ــــــــــــ
اشد الراس بعصابه حزن للدوم
وناديلك يبويه وحجة القيوم
تعال وشوف من صدرى تسيل ادموم
بويه من عكب عينك محشمونى
ـــــــــــــــــــ
يابويه الليالى مرمرت حالى
وصار الحزن بالدلال يبرالى
على سودالليالى والدمع هالى
تكت كت المطر لفراكك عيونى
ـــــــــــ
يبويه محسن اتكنطر عله التربان
وافكدته يبويه بهجمت العدوان
يابويه جنينى تظن عليه هان
دوهنى زمانى وغيره الونى
ـــــــــــــ
واه ويلى عليها الزهره عزوها
حتى من البواجى اعليه منعوها
ووصيه النبى الهادى ينكروها
وتنادى يبويه اعد اك روعونى
ــــــــــــ
ظلت بس تون لفراكه بس اتنوح
مالومه اعله ابوها والجفن مجروح
وكلسامن المهااتغيب منها الروح
وتنادى يبويه وكره اعيونى
تمت

*****


لطميه للزهراء (ع)
من سطرونى من سطرونى عينى احمرت من سطرونى
ــــــــــــــــ
من اتعنوا بويه وجونى وباب الدارايعصرونى
ظليت اصرخ مارحمونى عمداً يابويه ايسطرونى
ـــــــــــــــــــ
يابويه اشرحلك حالى مكيد حيدر تالى اكبالى
والظالم بويه اتعنالى مقصدهم بويه ايسكطونى
ـــــــــــــــ
يابويه وحنت اطفالى تتصارخ يابويهاكبالى
واعليهم ذايت دلالى امن الظالم رادوايحمونى
ــــــــــــ
وزينب يابويه حالتها كلبى تفسر من ونتها
بس تجرى ظلت دمعتها شافتهم بويه اتولونى
ــــــــــــ
يابويه ريتك حاضرنى تشاهد هينى وتنظر متنى
تشوف انصارك ماحشمتنى اندبهم جن ميسمعونى
ـتمت بعون الله

*****
***
*







التوقيع


اشكرج حبيبتى ام ابيها ع التوقيع :wtg:

 
من مواضيعي في المنتدى

0 [غزة الحرة:506] معادلة‎
0 حكايه تقشعر لها الابدان‎
0 أنواع الشايات وفوائدها‎
0 رساله من اسماء‎
0 هلا فيكم
0 توقيع الأيام الفاطمية
0 مهــــم جـــــدا ( صوت للإسلام )
0 صور يوم السفره الوالده
0 النصائح العشر لمستخدمي الكمبيوتر
0 حقيقة نعيم الجنة

آخر تعديل الأريج يوم 25-01-2011 في 05:00.
رد مع اقتباس
قديم 06-12-2010, 07:03 رقم المشاركة : 2
معلومات العضو

الصورة الرمزية المجهولة قدرا
إحصائية العضو








المجهولة قدرا will become famous soon enough

المجهولة قدرا غير متواجد حالياً

 


اوسمتي
كاتب الموضوع : لوعه الزهراء المنتدى : شظايا أدبية
رد: مجموعه من اشاعر حسينيه يارب تعجبكم

مشكوورة على الموضووع






التوقيع

[

 
من مواضيعي في المنتدى

0 خصام مع الثمانية عشرين حرفا
0 معاناة قلب فاقد
0 ذكريات مفرحة باتت اليوم تؤلم
0 سَنحيا مَعاً💔
0 في ذمة الله 💔
0 عند ذلك الحد
0 14 فبراير
0 فِبرايَر الثَورة *bh*
0 اشتقنا للجنان
0 لعراق الأئمة امضي بشوقي

رد مع اقتباس
قديم 06-12-2010, 11:18 رقم المشاركة : 3
معلومات العضو

الصورة الرمزية لوعه الزهراء
إحصائية العضو








لوعه الزهراء is on a distinguished road

لوعه الزهراء غير متواجد حالياً

 


اوسمتي
كاتب الموضوع : لوعه الزهراء المنتدى : شظايا أدبية
رد: مجموعه من اشاعر حسينيه يارب تعجبكم

تسلمين اختى ع الحضور الراقى والمشرف والمنور والى بعد اسعدنى






التوقيع


اشكرج حبيبتى ام ابيها ع التوقيع :wtg:

 
من مواضيعي في المنتدى

0 [غزة الحرة:506] معادلة‎
0 حكايه تقشعر لها الابدان‎
0 أنواع الشايات وفوائدها‎
0 رساله من اسماء‎
0 هلا فيكم
0 توقيع الأيام الفاطمية
0 مهــــم جـــــدا ( صوت للإسلام )
0 صور يوم السفره الوالده
0 النصائح العشر لمستخدمي الكمبيوتر
0 حقيقة نعيم الجنة

رد مع اقتباس
إضافة رد

مواقع النشر (المفضلة)

المواضيع المتشابهه
الموضوع كاتب الموضوع المنتدى مشاركات آخر مشاركة
قصة جميلة يارب تعجبكم نور شمس شظايا أدبية 5 01-08-2008 11:24

الذين يشاهدون محتوى الموضوع الآن : 1 ( الأعضاء 0 والزوار 1)
 

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 01:33

تصميم   :  أبرار الجنه

Powered by vBulletin® Copyright ©2000 - 2014, Jelsoft Enterprises Ltd. TranZ By Almuhajir